9. Februar: Am Kierchestaat rifft, am Kader vum Risorgimento, den Giuseppe Mazzini d'Réimesch Republik aus. Si gëtt direkt dono, duerch den Agrëff vu franséischen a spueneschen Truppe bis den 3. Juli mat Gewalt néiergeschloen; de Poopst Pius IX. kritt seng weltlech Muecht zeréck.
12. Mäerz: D'Kinnekräich Sardinien-Piemont erkläert Éisträich de Krich, well d'Deputéiertechamber an d'Vollek wëllen, datt de Kampf fir d'Onofhängegkeet an Norditalie wärend dem Risorgimento virugoe soll.
23. Mäerz: An der Schluecht bei Novara gewannent d'Éisträicher géint déi italieenesch Opstännesch a behalen einstweilen hir Dominanz an Norditalien.
18. Juni: D'Kinnigin Maria II. vu Portugal ernennt trotz Protester den Markgrof vun Tomar op en Neits als Nofollger vum Herzog vu Saldanha zum Ministerpresidenten.
13. August: Am Onofhängegkeetskrich an Ungarn kapituléiert d'Arméi ënnert dem Generol Artur Görgey géintiwwer de russeschen Truppen. Am Kader vun der Helleger Allianz schloen dës, zesumme mat éisträicheschen Unitéiten, d'Revolutioun vun de Magyaren néier.
6. Oktober: De Lajos Batthyány, an Ungarescher Revolutioun éischten ungaresche Ministerpresident, gëtt zu Pest exekutéiert, an och 13 Leadere vum Opstand ginn zu Arad higeriicht.
18. November: D'Kinnekräich Kroatien a Slawonien gëtt vun Ungarn ofgetrennt a gëtt e separat Krounland an der Habsburgermonarchie.
Lëtzebuerg
12. Mee: De Wëllem III. gëtt neie Kinnek vun Holland a Groussherzog vu Lëtzebuerg.
21. Februar: D'Arméi vun de Sikhs verléiert d'Schluecht von Gujarat géint déi brittesch Truppen; hiert Räich am Punjab gëtt den 29. Mäerz a Brittesch-Indien agegliddert an domat Deel vum brittesche Welträich.