Unix (nota commercialis UNIX®) est systema administrativum computatrale a quibusdam operariis (inter quos Ken Thompson, Dennis Ritchie, Douglas McIlroy) apud Laboratoria Bell (societatis "AT&T") annis a 1969 ad 1971 excogitatum.
Unix fons fuit multorum systematum administrativorum computatralium, inter quae macOS, Android et Linux. Inter species Unicum quae hodie exstant sunt OpenIndiana, NetBSD, FreeBSD, OpenBSDque (inter systemata aperta), et AIX, Solaris, HP-UX, IRIXque (inter systemata conclusa).
