Superordo: Acanthopterygii
Ordo: Mugiliformes
Familia: Mugilidae
Jarocki, 1822
Mugilidae sunt familia piscium classis Actinopterygiorum, qui in aquis oceanorum mariumque temperatorum et tropicorum per totum orbem terrarum inveniuntur, et nonnullae species intus in aqua dulci habitant. Mugilidae sunt opes cibi magni momenti in Europa Mediterranea ex temporibus Imperii Romani. Cui familiae sunt septuaginta octo fere species descriptae in viginti genera digestae.
Mugilidae duabus pinnis dorsalibus separatis, parvis oribus triangularibus, et absentia organi lineae lateralis distinguuntur. Detritu vescuntur, plurimisque speciebus sunt stomachi musculares praeter solitum, et pharynx multiplex ad digestionem adiuvandam apta.
Mores
Mugilidae saepe ex aqua saliunt. Sunt duo genera saltuum: rectus et rapidus fluctus ex aqua ad praedatores eludendos, et tardior saltus inclinans, qui speciosum undae sonitum efficit. Proposita huius saltus disputantur.
Classificatio et nomina
Familia in taxinomia hodierna tractatur solus socius ordinis Mugiliformium, sed secundum Iosephum S. Nelson, "fuit multum dissensionis de cognationibus" huius familiae. Spinulae inter pinnas manifeste monstrat mugilidae partes superordinis Acanthopterygiorum esse, et annis 1960 hi pisces perciformes habebantur, cum autem alii eruditi eos in Atheriniformes digererent. In editione quinta summarii Fishes of the World, ordo habentur, Mugiliformes, intra subseriem Ovalentaria cladi Percomorphorum.
Genera sequentia, a maioribus tradita, inter mugilidas late accepta sunt.
- Mugil
- Chelon
- Agonostomus
- Cestraeus
- Joturus
- Myxus
- Chaenomugil
- Rhinomugil
- Neomyxus
- Liza
- Trachystoma
- Oedalechilus
- Ellochelon
- Sicamugil
- Aldrichetta
- Moolgarda
- Crenimugil
- Xenomugil
- Valamugil
- Paramugil
Investigationes autem recentiores familiam denuo reconstituerunt, ut genera sequentia nunc mugilidas constituant.
- Agonostomus
- Aldrichetta
- Cestraeus
- Chaenomugil
- Chelon
- Crenimugil
- Dajaus
- Ellochelon
- Gracilimugil
- Joturus
- Minimugil
- Mugil
- Myxus
- Neomyxus
- Neochelon
- Oedalechilus
- Osteomugil
- Parachelon
- Paracrenimugil
- Paramugil
- Planiliza
- Plicomugil
- Pseudomyxus
- Rhinomugil
- Sicamugil
- Squalomugil
- Trachystoma
Bibliographia
- Alvarez-Lajonchere, Luis. 1972. Segunda adición a la bibliografía de la familia Mugilidae (Teleostei). Havanae: Centro de Información Científica y Técnica, Universidad de La Habana.
- Fiedler, Kurr. 1991. Lehrbuch der Speziellen Zoologie. Band II, Teil 2: Fische. Ienae: Gustav Fischer Verlag. ISBN 3-334-00339-6.
- Nelson, J. S. Fishes of the World. ISBN 978-0-471-25031-9.
- Sepkoski, Jack. 2002. "A compendium of fossil marine animal genera." Bulletins of American Paleontology 364: 560. Editio interretialis.
- Xia, Rong, Jean-Dominique Durand, et Cuizhang Fu. 2016. "Multilocus resolution of Mugilidae phylogeny (Teleostei: Mugiliformes): Implications for the family’s taxonomy." Molecular Phylogenetics and Evolution 96 (Martius). doi:10.1016/j.ympev.2015.12.010.
Nexus externi
- "Mugilidae" apud FishBase
- "Mullet Dursey Sound May 2010, Beara, West Cork, Ireland." Pellicula.
- SPECIES BY FAMILY/SUBFAMILY IN THE CATALOG OF FISHES.[nexus deficit]
