Речь посполита (полякча Rzeczpospolita – республика) – 16-кылымдын аягы – 18-кылымдагы Польша мамлекетинин салттуу аталышы. Сословиялык монархиянын өзгөчө формасы болгон Речь посполитаны сейм шайлоочу король башкарган. Люблин униясы (1569) түзүлгөндөн 1795-жылга чейин Польша – Литва мамлекетинин расмий аталышы.
Колдонулган адабияттар
- “Кыргызстан” улуттук энциклопедиясы: 6-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. 816 бет, илл. ISBN 978 9967-14-117 -9
