Menedh 3,970 meter y uhelder e'n Alpow ew an Eiger. Emava ow sevel e'n Swistir, war bedn est crib hag a gomprehend ewedh toppow an Mönch (4,107 m) ha'n Jungfrau (4,158 m). Y hanow a styr 'cowr' en Almaynek. Yskydnys veu an menedh en kensa 11 Est, 1858, gen an Godhel Charles Barrington gen hebronkyjy Swiss Christian Almer hag Peter Bohren. Ema for' gledher an Jungfraubahn ow mos dre gowdoll a-berth dhe'n menedh rag drehedhes bolgh an Jungfraujoch, gorsav for' gledher uhella en Europa.
An skila dell ew an Eiger mar a vri ew y enep a'n Noor (an Nordwand en Almaynek). Niver a grambloryon a verwis e'n 1930ow owth assaya y grambla, kens Anderl Heckmair, Ludwig Vörg, Heinrich Harrer ha Fritz Kasparek dhe'y yskydna 24 Gorefan, 1938.
En 1981, filmys veu an crambler kembrek Eric Jones ow crambla an enep dhe'n Noor y honan gen an den camera Leo Dickinson, film dyllys avel 'Eiger Solo'.
An teller rag dalleth yskydna an Eiger dell ew usys ew treveglos Grindelwald ort y droos.
Ma an erthygel ma usya an Furv Scrifys Savonek (gen furvow tradycyonal) a-barth Kernowek diwedhes.
