Dowrlam ew tirfurv lebma thuji dowr ow resek dres leder blobmwedhek, po kevres a ledrow serth. Dowrlabmow a ell furvya en niver a for'ow, bes an for' foyha aswonys ew pan vo usyes gweli a garrek foy medhel dell uji ow korwedha en-dadn level a garrek foy kalish.
En-dadn an dowrlam ema kownans kul gen tenwednow serth. Dres termyn, an ryver a ell movya teller an dowrlam emvann an ryver ow kul an kownans hirra.
Ema lies dowrlam a vri a-dro dhe'n bes. An uhella ew Dowrlam Angel gen uhelder a 979m (3212 tros-hes). An dowrlam uehella y'n Ruvaneth Unys ew Eas a' Chùil Àlainn. Dowrlabmow a ell bos tednvosow touryji posek, avel Dowrlabmow Niagara tredh an Statys Unys ha Kanada, ha Dowrlabmow Victoria tredh Zambi ha Zimbabwe.
Lavar gwerin
- Dhort an glaw bys e'n dowrlabm - From the frying pan into the fire
Ma an erthygel ma usya an Furv Skrifys Savonek a-barth Kernowek diwedhes.
