Ser Timoti Djon Berners-Li (1955-jıl 8-iyun) — sonday-aq TimBL retinde belgili, Dúnya júzilik tor (World Wide Web), HTML, URL sisteması hám HTTPdiń oylap tabıwshısı sıpatında belgili inglis kompyuter ilimpazı. Ol Oksford universitetiniń professorlıq ilim-izertlew xızmetkeri hám Massachusets Texnologiya Institutınıń (MIT) professor emeritusı bolıp tabıladı.
Tim Berners-Lee London qalasında tuwılǵan. Matematik hám kompyuter ilimpazları Mary Lee Berners-Lee hám Convey Berners-Leedıń perzenti. Onıń ata-anası ekewi de Birmingemdan bolıp, birinshi kommerciya ushın qurılǵan kompyuterde jumıs islegen. Ol Sheen Mount baslanǵısh mektebinde oqıǵan, keyininen 1969-jıldan 1973-jılǵa shekem Emanuel mektebinde tálim alǵan. Balalıǵında poyezdlerdi kóriwdi jaqsı kórgen hám model temirjol menen shuǵıllanıw arqalı elektronika haqqında úyrenip alǵan. 1973-jıldan 1976-jılǵa shekem Oksfordda oqıp, fizika páninen bakalavr dárejesin alǵan.
Berners-Lee 1989-jıl 12-martta maǵlıwmatlardı basqarıw sistemasın usınıs etti hám noyabr ayınıń ortalarında Internet arqalı Hypertext Transfer Protocol (HTTP) klienti hám server arasında birinshi tabıslı baylanıstı ámelge asırdı. Ol birinshi veb-brauzer hám veb-serverdi islep shıqtı hám veb-sayttıń keyingi rawajlanıwına járdem berdi.
