1608

Ódagsettir atburðir

• Spænskir hvalveiðimenn á þremur skipum komu á Strandir og rændu viðum og peningum.
• Þórdís Halldórsdóttir frá Sólheimum í Sæmundarhlíð ól barn eftir að hafa komið fram skírlífiseiði fimm mánuðum áður.
• Þriðji og síðasti morðbréfabæklingur Guðbrands Þorlákssonar kom út á Hólum.

Fædd

Ódagsett

• Benedikt Pálsson, bartskeri og klausturhaldari (d. 1664).
• Vigfús Gíslason, sýslumaður og skólameistari (d. 1647).

Dáin

• 8. apríl - Þórður Guðmundsson, lögmaður (f. 1524).

Opinberar aftökur

• Guðrún Þorsteinsdóttir, 48 ára vinnukona frá Aðaldal í Suður-Þingeyjarsýslu, var brennd á báli fyrir að hafa soðið barn í grautarpotti.
• Bjarni Hildibrandsson tekinn af lífi á Alþingi fyrir blóðskömm, n.tt. að hafa „fallið með systrum“.

Janúar

• 7. janúar - Öll hús inni í virkinu í Jamestown brunnu til grunna.
• 8. janúar - Hundrað landnemar komu til Jamestown í Virginíu með skipstjóranum Christopher Newport. Þar voru þá aðeins 38 eftirlifandi af upprunalegum stofnendum bæjarins.
• 17. janúar - Susenyos Eþíópíukeisari sigraði her órómóa við Ebenat.
• 23. janúar - Frakkland og Holland gerðu með sér varnarbandalag fyrir milligöngu Pierre Jeannin.

Febrúar

• 6. febrúar - Gabríel Báthory varð einráður í Transylvaníu við afsögn Sigmundar Rákóczi.

Mars

• 16. mars - Jesúítar fengu leyfi til að stofna trúboðsstöðvar í Paragvæ.
• 18. mars - Susenyos var krýndur Eþíópíukeisari í Axúm.

Apríl

• 19. apríl - Bandalag Ungverjalands, Austurríkis og Moravíu setti fram kröfugerð með stuðningi Matthíasar, bróður Rúdolfs 2. keisara sem henni var beint gegn.
• 20. apríl - Viskýframleiðandinn Bushmills á Norður-Írlandi fékk leyfi til viskýframleiðslu frá Jakobi Englandskonungi
• 24. apríl - Kristján 4. boðaði að allar byggingar þýskra kaupmanna á konungsjörðum eða kirkjujörðum skyldu rifnar til grunna.

Maí

• 6. maí - Robert Cecil varð fjármálaráðherra og helsti ráðgjafi Jakobs Englandskonungs.
• 14. maí - Mótmælendasambandið var stofnað í Auhausen í Þýskalandi.

Júní

• 25. júní - Rúdolf keisari neyddist til að láta Matthíasi bróður sínum eftir Ungverjaland, Austurríki og Moravíu.
• Júní - Svíar unnu Dünamünde, Koknese og Fellin frá Pólsk-litháíska samveldinu.

Júlí

• 3. júlí - Samuel de Champlain stofnaði borgina Quebec í Kanada.
• 18. júlí - Jóhann Sigmundur varð kjörfursti í Brandenborg við lát föður síns.
• 25. júlí - Rússland og Pólsk-litháíska samveldið gerðu með sér vopnahlé í þrjú ár og ellefu mánuði.

Ágúst

• 24. ágúst - Fyrsti opinberi fulltrúi Bretlands steig á land við Surat á Indlandi.
• Ágúst - Sjö þúsund pólskir riddarar voru sendir falska Dímítríj 2. til fulltingis.

September

• 10. september - John Smith var kjörinn forseti bæjarráðsins í Jamestown.
• 11. september - Mórits af Nassá tók á móti fyrsta sendiherra Síams í Evrópu.
• 21. september - Háskólinn í Oviedo var stofnaður.
• 23. september - Umsátur pólska hersins um Þrenningarklaustur heilags Sergíusar hófst.
• September - Marina Mniszek hitti falska Dímítríj 2. í Túsjínó og sagðist þekkja þar aftur eiginmann sinn.

Október

• 1. október - Sjötíu nýir landnemar bættust í hóp þeirra sem fyrir voru í Jamestown í Virginíu.
• 2. október - Hollenski linsusmiðurinn Hans Lippershey sýndi fyrsta sjónaukann í hollenska þinginu.
• 20. október - Toskana vann sigur á Tyrkjaveldi í orrustunni við Celidonio-höfða.
• 25. október - Rúdolf 2. lét Matthíasi bróður sínum eftir ungversku krúnuna vegna þrýstings frá stéttaþinginu.

Nóvember

• 19. nóvember - Matthías var krýndur Ungverjalandskonungur í Presbourg.

Ódagsettir atburðir

• Enevold Kruse tók við af Jørgen Friis sem hirðstjóri í Noregi.
• William Shakespeare hóf starfsemi í Blackfriars-leikhúsinu í London.

Fædd

• 28. janúar - Giovanni Alfonso Borelli, ítalskur lífeðlisfræðingur (d. 1679).
• 6. febrúar - António Vieira, portúgalskur rithöfundur (d. 1697).
• 13. júlí - Ferdinand 3. keisari hins Heilaga rómverska ríkis (d. 1657).
• 14. júlí - George Goring, enskur hermaður (d. 1657).
• 15. október - Evangelista Torricelli, ítalskur vísindamaður og stærðfræðingur (d. 1647).
• 23. nóvember - Francisco Manuel de Melo, portúgalskur rithöfundur (d. 1666).
• 6. desember - George Monck, enskur hermaður og stjórnmálamaður (d. 1670).
• 9. desember - John Milton, breskt skáld (d. 1674).

Ódagsett

• Thomas Fuller, enskur sagnaritari (d. 1661).
• Evdoxía Stresjnjeva, önnur eiginkona Mikaels Rómanovs Rússakeisara.
• Edward Misselden, enskur kaupsýslumaður (d. 1654).

Dáin

• 27. febrúar - John Still, enskur biskup (f. um 1543).
• 12. mars - Kōriki Kiyonaga, japanskur herforingi (f. 1530).
• 19. apríl - Thomas Sackville, enskur stjórnmálamaður (f. 1536).
• 19. júní - Alberico Gentili, ítalskur lögfræðingur (f. 1552).
• 18. júlí - Jóakim 3. Friðrik, kjörfursti í Brandenborg (f. 1546).
• 13. ágúst - Giambologna, ítalskur listamaður (f. 1529).
• 11. október - Giovanni Ambrogio Figino, ítalskur listmálari.

Ódagsett

• John Dee, enskur stjörnuspekingur (f. 1527).