Ti Rancagua (Panangibalikas nga Espaniol:) ket ti siudad ken komuna iti tengnga a Chile ken parte ti konurbasion ti Rancagua. Daytoy ti kapitolio ti Probinsia ti Cachapoal ken ti Rehion ti O'Higgins, ken mabirukan daytoy iti 87 km (54 mi) iti abagatan ti nailian a kapitolio ti Santiago.
Ti umuna a naganna idi ket Santa Cruz de Triana. Indi 2012, ti populasionna ket 232,211. Ti kangrunaan nga aktibidad ti ekonomia ket sumakop kadagiti panagmina, turismo, agrikultura, tarikayo, panagpataud iti makan ken dagiti serbisio aginggana iti bassit nga aktibidad iti industria. Ti siudad ket agserbi pay a kas ti sentro ti legado ti rehion.
Maiyasideg iti Machalí ken Gultro ket mangporma iti konurbasion ti Rancagua; ken maiyasideg iti Curicó, Talca ken Concepción, ket maysa kadagiti kangrunaan a matagtagitao a siudad iti sona ti abagatan a tengnga ti Chile.
Dagiti akinruar a silpo
Dagiti midia a mainaig iti Rancagua iti Wikimedia Commons
Pakaammo ti panagbiahe idiay Rancagua manipud iti Wikivoyage (iti Ingles)
