43.8518.366666666667
Sarajewo (kyrilisce Сарајево) je stolica a najwjetše město Bosniskeje a Hercegowiny kaž tež zarjadniske sydło Federacije Bosniskeje a Hercegowiny a Sarajewskeho kantona. Leži w dolinje rěki Miljacki a ma wokoło 290.000 wobydlerjow.
Město wobsteji ze štyrjoch politiskich gmejnow Centar, Stari Grad, Novi Grad a Novo Sarajevo. Južny dźěl měšćanskeho teritorija słuša administratiwnje do města Istočno Sarajevo („Wuchodne Sarajewo“) w Republice Srpskej.
Swětodaloko znate je Sarajewo hłownje dla třoch historiskich podawkow: atentata na rakusko-wuherskeho trónoweho naslědnika Franza Ferdinanda dnja 28. junija 1914, olympiskich zymskich hrow w lěće 1984 a třolětneho woblěhowanja města přez wójsko bosniskich Serbow w Bosniskej wójnje (1992–96).
Wotkaz
Commons: Sarajewo – Zběrka wobrazow, widejow a awdiodatajow
