.jpg?width=1280)
Moroni (arabsce موروني) je stolica a ze 54.000 wobydlerjemi zdobom najwjetše město Komorow w Indiskim oceanje před juhowuchodnej Afriku. Nadeńdźe so při zapadnym brjoze najwjetšeje kupy Njazidja, kotraž je tež znata pod swojim francoskim mjenom Grande Comore. Město leži pod aktiwnym wulkanom Karthala, kotryž wot 19. lětstotka hižo dwaceći króć wubuchny, dotal posledni raz w lěće 2016.
W měsće knježi włóžna, tropiska klima z přerěznymi temperaturami wot 14 do 31° C w juliju a 19 do 36° C w decembrje. Monsun traje wot nowembra hač do měrca. Dla bliskosće kupow k ekwatorej su tež cyklony huste.
Stawizny
Sydlišćo je so prawdźepodobnje w 10. lětstotku wot arabskich sydlerjow załožiło a wuwiwaše so w 15. lětstotku pod wliwom arabskich a persiskich překupcow k wikowanskemu stejišću. Moroni bě stolica sultanata Bambao, kotryž sta so w lěće 1886 z dźělom zjednoćeneho stata Ngazidja. Wot lěta 1962 je stolica Komorow.
