Capri je italska skalna kupa w Neapelskim golfu před zapadnym přibrjóhom Apenninskeje połkupy. Wona je 10,4 km² wulka, wobsteji z wjetšeho dźěła z wapnowca a je znata wosebje dla jeje přimorskich jamow. Najznaćiša z nich je tak mjenowana „Módra jama“. Najwyši dypk kupy je z 589 metrami nad morjom Monte Solaro. Capri ma wurunanu, miłu klimu a přecozelenu wegetaciju kaž tež terasowe kultury z winicami, sadowcami a wolijowcami.
Hłowna hospodarska hałuza kupy je hižo wot 19. lětstotka cyłolětny cuzbniski wobchad. Kupa je jenož pjeć kilometrow zdalena wot twjerdźe a přisłuša metropolitanskemu regionej Neapel.
Wobrazy
5 images
Wotkaz
Commons: Capri – Zběrka wobrazow, widejow a awdiodatajow
