Kô-hiùng-sṳ (高雄市) he Thòi-vàn thi-ngi-thai ke sàng-sṳ, chhai-vi Thòi-vàn ke nàm-fông, ngìn-khiéu thai-yok 277 van. Kô-kiùng yû Thòi-vàn chui-thai ke hói-kóng, hàn-yû yit-ke kuet-chi kî-chhòng.
Thi-lî
Kô-hiùng-sṳ hàng-chṳn-khî thú-thi mien-chit khiung 2947.6159 phìn-fông kûng-lî, khì-chûng kô-sân thú-thi mien-chit cham 1555.0398 phìn-fông kûng-lî (52.78%), khiu-lîn lâu phìn-ngièn thú-thi mien-chit cham 1391.2273 phìn-fông kûng-lî (48.22%); kô-sân-khî Thò-ngièn-khî mien-chit 928.98 phìn-fông kûng-lî, cham chhiòn-sṳ mien-chit sâm-fûn chṳ̂-yit; chhiòn-sṳ cham chhiòn-koet chúng mien-chit 8.14% (yok sṳ̍p-ngi fûn chṳ̂-yit). Hói-ngan-sien fông-mien, Kô-hiùng-sṳ sî-ak Thòi-vân Hói-hia̍p, nàm lìm Pâ-sṳ Hói-hia̍p. Sî-pan phu vì Chhûng-chit phìn-ngièn thi-hìn, tûng-pan phu chú-yeu vì sân-khî, fam-vì yèn-chhûn chṳ Ngiu̍k-sân; chhai sṳ-khî phu-fûn kú-sân hói-ngan ke su-sân, chó-yàng tûng-chet ke Pan-phîn-sân, yî-khi̍p tûng-nàm phu ke Fung-sân khiu-lîn, khì-chûng Chhèu-sân lâu Pan-phîn-sân kai yîn Sân-fû-chiau lùng-hí yì hìn-sṳ̀n.
Hàng-chṳn Khî-va̍k
2010 ngièn Kô-hiùng yen-sṳ ha̍p-pin kói-chṳ heu, ngièn-pún Kô-hiùng-sṳ ke 11 khî thùng ngièn-pún Kô-hiùng-yen ke 27 hiông, chṳ́n, sṳ, khiung-ha̍p cho 38 khî, 651 lî, 17,333 lìn.
- Chúng ngìn-khieú 30 van î-song: Fung-sân, Sân-mìn.
- Chúng ngìn-khieú 15 to 20 van: Chó-yàng, Chhièn-chṳ́n, Nàm-chṳ́, Lìn-ngá, Séu-kóng.
- Chúng ngìn-khieú 10 to 15 van: Kú-sân, Thai-liàu.
- Chúng ngìn-khieú 5 to 10 van: Kông-sân, Yìn-vû, Lìm-yèn, Lu-chuk, Sîn-hîn.
- Chúng ngìn-khieú 1 to 5 van: Niâu-chhiùng, Thai-su, Mî-nùng, Khièu-thèu, Kì-sân, Chṳ̀-kôn, Thai-sa, Kâ-tin, Yen-sàu, Fù-nui, Â-lièn, Khì-kîn, Chhièn-kîm, Yàm-thàng, Mì-tò, Nui-mùn, Yún-ôn, Liuk-kûi, Chham-lìm.
- Chúng ngìn-khieú 5,000 to 1 van: Thièn-liàu, Kap-siên.
- Chúng ngìn-khieú 5,000 î-ha: Thò-ngièn, Meu-lìm, Namasia.
