Wikipedia yin owe-oyọnẹn intẹnẹt ji tọn vọnu de he tin to ogbè fọde-kantọ̀nṣidopo (326) mẹ lẹdo aihọ́n pe. Mẹlẹ sọgan yí i zán, má ẹn hẹ mẹdevo lẹ, bosọ diọ ẹ, vọnu. Mẹlẹ sọgan de nado basi nunina do Wikimedia Foundation nado nọgodona Wikipedia po azọ́n etọn devo lẹ po. E yin nọtẹn intẹnẹt tọn he bẹ nudọnamẹ he hùndonuvò lẹ hẹn de. Ehe zẹemẹdo dọ medepope wẹ sọgan basi vọ́kan etọn, bosọ diọ ẹ, eyindọ yé ko gbẹ hodo osẹ́n vọ́kan-bibasi po vọjlado-bibasi po tọn.
Titobasinanu Amẹlika tọn de Wikimedia Foundation, wẹ tindo Wikipedia, ehe tin to San Francisco to California, Amẹlika.
Yinkọ Wikipedia tọn lọ yin dide sọn hogbe awè mẹ, wiki po encyclopedia po.
Jimmy Wales po Larry Sanger po wẹ bẹ Wikipedia jẹeji jẹnukọn to azán 10tọ Alunlunsun, owhe 2001 tọn, taidi apadewhé owé oyọnẹn tọn intẹnẹt ji tọn he ko to aimẹ jẹnukọnna dehe nọ yin Nupedia tọn. To azán 15tọ Alunlunsun, owhe 2001 tọn, Wikipedia lẹzun nọtẹn intẹnẹt tọn he to ovo de. E yin wiki de he nọ yi azọ́nwanu ọdinatẹ tọn MediaWiki zan (taidi azọ́n Wikimedia Foundation tọn diẹ lẹpo).
Mẹdepope he e jlo wẹ sọgan diọ weda he to Wikipedia ji lẹ, kavi tlẹ wleawuna yọyọ lẹ. Wikipedia tindo nujinọtedo ojlẹnu weda tọn na weda he to Owe-oyọnẹn tọn lọ mẹ lẹpo.
Kakajẹ Zósun owhe 2011 tọn, Wikipedia ko do nudi weda livi fọtọ̀n-nukunatọ̀n (18) to nudi ogbè fọde-kanweko (300) mẹ podọ hugan hogbe liva atọ̀n e lán livi atọ́n gbọn Wikipedia lẹpo mẹ. Wikipedia Glẹnsigbe tọn wẹ yin wunmẹ Wikipedia tọn he kló hugan.
