XYY syndrome, dem sanso know as Jacobs syndrome den Superman syndrome, be an aneuploid genetic condition insyd wich a male get an extra Y chromosome. Der be usually few symptoms. Dese fi include be taller dan average den an increased risk of learning disabilities. De person be generally otherwise normal, wey dey include typical rates of fertility.
Dem generally no dey inherit de condition buh rather dey occur as a result of a random event during sperm development. Diagnosis be by a chromosomal analysis, buh na dem no diagnose chaw of those affected within dema lifetime. Der be 47 chromosomes, instead of de usual 46, dey give a 47,XYY karyotype.
Treatment fi include speech therapy anaa extra help plus schoolwork, den outcomes be generally positive. De condition dey occur insyd about 1 insyd 1,000 male births. Chaw people plus de condition be unaware say dem get am. Na dem first describe de condition insyd 1961.
