Mauritáña, héra tee hína Tavakuairetã Islã rapépe Mauritáña (Yumhuriya Islamiya Mauritaniya), ha'e hína peteĩ tetã hekosãsóva ojejuhu Áfrika ipehẽngue yvate kuarahyreikeguápe. Ijerére ojejuhu paraguasu Atlántiko kuarahyreike gotyo, tetã Senegal ñemby kuarahyreike gotyo, tetã Mali kuarahyresẽ ha ñemby kuarahyresẽ ngotyo, tetã Arhélia yvate kuarahyresẽ ngotyo, ha upe tetã Marruéko yvate gotyo ojejuhu. Mauritáña itavusu ha itáva orekovéva tavayguakuéra ipype ha'e voi Nuakechóte, táva guasu ojejuhúva paraguasu Atlántiko rembe'ýpe.
Mauritáña rekuái ohasa golpe de Estado rehe ary 2008-pe, omyakã ñorairõhára ruvicha Mohamed Ould Abdel Aziz. Ára 16 jasyrundy ary 2009-pe, ñorairõhára ruvicha Aziz osẽ ko tetã rekuáigui oike hag̃ua upe tendota jeporavo Mauritáñape guarã ára 19 jasypokõi, ipu'aka ha ojupi jey oisãmbyhy hag̃ua hetãre.
Tetã Mauritáñame amo 20% opaite tetãyguágui oiko ára ha ára sa'ive $1,25 Dólar reheve, upéicha hetaite tetãygua imboriahuite ha ojehecha tapichakuéra ndorekói yvypóra tekoiterape oiko porã hag̃ua, heta tembiguái reko ojehecha imbytépe avei, amo 4% opaite Mauritáña retãyguágui oiko tembiguái rekópe.
Joaju
- Wikimedia Commons oguereko ta'ãnga Mauritáña rehegua Commons.
- African Studies Center. Universidad de Pennsylvania (inglés)
- 600 fotos del Adrar - Chinguetti, Atar, Ouadane, Guelb-er-Richat, Terjit, Awjeft, Maireth...
