A das Zinxiberales (Zingiberales) é unha orde de plantas anxiospermas monocotiledóneas.
Características
Son semellantes ás bromeliales (que só inclúe a familia das bromeliáceas), das que se diferencian polas súas flores dorsiventrais ou asimétricas, pola transformación progresiva (retrogresión) dos estames en estaminodios corolinos, así como pola presenza de endosperma e perisperma nas sementes. Trátase de plantas herbáceas rizomatosas propias dos países intertropicais, que ás veces desenvolven falsos caules e grandes s de bordo enteiro, (como se pode ver na figura á dereita).
Taxonomía
A orde foi descrita en 1854 polo botánico alemán August Heinrich Rudolf Grisebach.
Esta orde está amplamente recoñecida polos taxonomistas, polo menos durante as últimas décadas, e inclúe moitas plantas ben coñecidas, como o xenxibre, o cardamomo, e a cúrcuma, da familia das cinxiberáceas, a ave do paraíso, da familia das estrelitziáceas, ou a bananeira, que pertence á das musáceas.
A orde está integrada no clado ou grupo monofilético das commelíninas (Commelinanae) clado dentro do sistema APG II de clasificación de plantas con flores (anxiospermas), 2003.
Este é único clado que o AGP considera dentro das monocotiledóneas; as monocotiledóneas restantes son un grupo parafilético. Este clado está integrado, ademais de pola familia das Dasypogonaceae, polas ordes das Arecales, Commelinales, 'Poales e Zingiberales.
As especies da orde das Zingiberales, xunto coas da orde das Commelinales, parece que evolucionaron hai ao redor de 80 millóns de anos, durante o cretáceo.
Familias
Tanto os sistemas de clasificación tradicionais (como o Sistema de Cronquist) como as recentes clasificacións filoxenéticas, como a APG II, recoñecen dentro da orde das Zingiberales as seguintes oito familias:
- Cannáceas (Cannaceae) Juss.
- Costáceas (Costaceae) Nakai
- Heliconiáceas (Heliconiaceae) Vines
- Lowiáceas (Lowiaceae) Ridl.
- Marantáceas (Marantaceae) R.Br.
- Musáceas (Musaceae) Juss.
- Estreliitciáceas (Strelitziaceae) Hutch.
- Cinxiberáceas (Zingiberaceae) Martinov
Algunhas especies
-
Canna indica
(Cannaceae) -
Costus comosus
(Costaceae) -
Heliconia stricta
(Heliconiaceae) -
Orchidantha maxillarioides
(Lowiaceae) -
Calathea lutea
(Marantaceae) -
Musa balbisiana
(Musaceae) -
Strelitzia reginae
(Strelitziaceae) -
Curcuma longa
(Zingiberaceae)
Véxase tamén
Ligazóns externas
- Zingiberales en Angiosperm Phylogeny Website (en inglés).
