STS-51-B foi unha misión do transbordador espacial Challenger lanzada o 29 de abril de 1985 desde a rampla 39A do Centro de Lanzamento de Cabo Cañaveral.
Características
STS-51-B, con sete astronautas a bordo, estivo completamente adicada a facer experimentos no laboratorio Spacelab 3 situado na bodega de carga do transbordador. Os experimentos estaban adicados a un amplo rango de disciplinas, desde ciencia de materiais a bioloxía, pasando por física de fluídos e outras. A tripulación estaba formada polo comandante Robert F. Overmyer, o piloto Frederick D. Gregory, os especialistas de misión Don L. Lind, Norman E. Thagard e William E. Thornton e os especialistas de carga Lodewijk van den Berg e Taylor Wang.
STS-51B foi a primeira misión do transbordador cunha misión primaria adicada á ciencia. O laboratorio Spacelab 3 contiña 15 experimentos principais de cinco áreas científicas para investigacións provenientes dos Estados Unidos, Francia e a India. O transbordador regresou a terra na Base Edwards da Forza Aérea o 6 de maio de 1985.
