STS-5 foi a primeira misión operativa do transbordador espacial Columbia, lanzada o 11 de novembro de 1982 desde a rampla 39A do Centro de Lanzamento de Cabo Cañaveral.
Características
STS-5, tripulada por Vance Brand, Robert Overmyer, Joseph P. Allen e William B. Lenoir, foi lanzada como primeira misión operativa do transbordador. Encargouse de poñer en órbita dous satélites artificiais, o SBS-C e o Telesat C. Foi tamén a primeira misión do transbordador con máis de dous astronautas a bordo. A tripulación, á parte de poñer en órbita os satélites, fixo varios experimentos, entre eles MLR, CFES e outros experimentos biomédicos e de materiais. A primeira actividade extravehicular planificada desde un transbordador tivo que cancelarse debido a un problema co traxe espacial.
O transbordador regresou a terra na Base Edwards da Forza Aérea o 16 de novembro de 1982.
