Masinisa

Masinisa (en númida: MSNSN), nado en -238 e finado en -148, foi un antigo rei númida mellor coñecido por dirixir unha federación de tribos bérberes massylii durante a segunda guerra púnica (218-201 a.C.), uníndoos finalmente nun reino que se converteu nunha gran potencia rexional no norte de África. Moito do que se sabe acerca de Masinisa provén de Ab urbe condita libri de Tito Livio, e en menor medida do Soño de Escipión de Cicerón. Como fillo dun xefe númida aliado a Cartago, loitou contra os romanos na segunda guerra púnica, pero máis tarde cambiou de bando ao concluír que Roma prevalecería. Co apoio do seu antigo inimigo, uniu as tribos númidas orientais e occidentais e fundou o Reino de Numidia. Como aliado romano, Masinisa participou na decisiva batalla de Zama en 202 a. C. que rematou efectivamente a guerra na derrota de Cartago; tamén permitiu á súa esposa Sofonisba, unha famosa nobre cartaxinesa que influíra nos asuntos númidas en beneficio de Cartago, envelenarse no canto de ser desfilada como parte do triunfo en Roma.