Lagopus é un xénero de aves da orde dos galiformes, familia dos fasiánidos e subfamilia dos tetraoninos.
Taxonomía
Descrición
O xénero foi descrito en 1760 polo zoólogo francés Mathurin Jacques Brisson.
Etimoloxía
O nome científico Lagopus está formado pola unión dos elementos do latín científico lago- e -pus. O primeiro deriva da raíz do substantivo do grego antigo λαγὠς lagṓs, 'lebre'; e o segundo, de ποδόσ podós, xenitivo de πούς poús, 'pé'. Literalmente: 'os de pés de lebre' (ou 'os de pés como os da lenre').
Especies
Na actualidade recoñécense no xénero as tres especies seguintes:
- Lagopus lagopus (Linnaeus, 1782) - lagópodo común
- Lagopus leucura (Richardson, 1831) - lagópodo de cola branca
- Lagópodo cinsento (Montin, 1781) - lagópodo alpino, lagópodo branco ou perdiz nival
Nota sobre os nomes vulgares
A Real Academia Galega, no seu Dicionario, define lagópodo como «Zooloxía. Ave da orde dos galiformes, de tamaño mediano, coa plumaxe que varía do pardo ao branco, os tarsos e os dedos cubertos de plumas, da que existen varias especies».
Para usarmos un nome diferente para cada unha das especies, séguese o criterio da Academia: «As escollas normativas deber ser harmónicas coas das outra linguas, especialmente coas romances en xeral e coa portuguesa en particular,...»
- Nomes noutras linguas romances
- Lagopus lagopus
- Castelán: lagópodo común
- Catalán: lagòpede comú
- Lagopus leucura
- Castelán: lagópodo coliblanco
- Francés: lagopède à queue blanche
- Portugués: lagópode-de-cauda-branca
- Lagopus muta
- Castelán: perdiz nival, lagópodo alpino
