Helloween

Helloween é unha banda alemá de speed metal nada en 1984 en Hamburgo coa publicación dun EP homónimo, e que se converteu nun dos primeiros e maiores expoñentes dese subxénero. Os discos de 1987 e 1988 Keeper of the seven keys, part I e Keeper of the seven keys, part II convetíronse en clásicos e referencias dentro do panorama do Heavy Metal.

Da formación orixinal, só persisten Michael Weikath e Markus Großkopf.

Dende o seu nacemento, Helloween publicou 16 álbums de estudio, catro álbums ao vivo, tres EPs e 30 sinxelos, foi galardoada con 14 premios de ouro e seis de platino e vendeu máis de oito millóns de discos en todo o mundo. Helloween teñen sido chamados "os pais do power metal", así como un dos chamados "catro grandes" da primeira escena alemá do xénero, xunto con Grave Digger, Rage e Running Wild.