Helloween

Helloween a zo ur strollad heavy metal savet e1984 e Hamburg (Alamagn ar c'hornog) gant izili a zeue eus ar strolladoù Iron Fist, Gentry ha Second Hell. Er strollad e oa da gentañ-penn ar gitarour Kai Hansen, ar gitarour-boud Markus Grosskopf, ar gitarour Michael Weikath, hag an tabouliner Ingo Schwichtenberg. Pa oa aet Hansen kuit eus Helloween e 1989 e tegemerjont Michael Kiske evel penn-kanour. Schwichtenberg ha Kiske o devoa kuitaet ar strollad e 1993 ha c'hoarvezet e oa meur a cheñchamant betek ma ne chome nemet Grosskopf ha Weikath evel izili eus ar strollad orin. Hiziv ez eus 4 eus ar pemp ezel eus mare an albom "Keeper of the Seven Keys" (nemed Schwichtenberg), gant tri ezel ouzhpenn, ar c'haner Andi Deris (en devoa erlec'hiet Kiske e 1994), ar gitarour Sascha Gerstner hag an tabouliner Daniel Löble.

Abaoe an deroù, Helloween en deus embannet 16 albom, tri albom live, tri EP, ha 29 single, ha garedonet e oant bet 20 gwech (14 priz aour, 6 platinium) ha gwerzhet o deus dek milion a bladennoù er bed a-bezh Helloween zo gwelet evel "tadoù power metal", hag unan eus ar "big four" (pevar bras) e-touez ar strolladoù metal alaman gant Grave Digger, Rage ha Running Wild.