Arista Records é un selo discográfico estadounidense propiedade de Sony Music, unha subsidiaria de Sony Corporation of America, a división norteamericana do conglomerado xaponés Sony. A discográfica anteriormente pertencía ao grupo Bertelsmann Music Group. Arista foi fundada no ano 1974 por Clive Davis, que traballara antes para Columbia Records. Ata a súa desaparición en 2011 foi unha gran distribuidora e promotora de álbums nos Estados Unidos e no Reino Unido.
No mes de xullo de 2018 Sony resucitou Arista Records con David Massey como presidente. Xunto con Columbia, RCA e Epic, Arista é un dos catro selos principais de Sony.
