- Dizze side giet oer de fûgelsoarte raven. Foar oare betsjuttings, sjoch: Raven (betsjuttingsside).
De raven of 'raaf', wittenskiplike namme Corvus corax, is de grutste fan de krieën en de kriefûgels. De raven komt op it hiele Noardlik Healrûn foar, fan de Subtropen ta it Noarden fan Kanada en Grienlân.
Nederlân en Fryslân
De raven is tusken 1929 en 1976 yn Nederlân as briedfûgel ferdwûn west. Sûnt de weryntroduksje binne de oantallen sunichjes tanommen ta sa'n 150-180 briedpearen yn 2019, de measte op de Feluwe, en ek inkelde yn eastlik Fryslân.
