De Arabyske See (Arabysk: بحر العرب, Bahr al-'Arab, Latyn: Mare Erythraeum) is in part fan de Yndyske Oseaan tusken it Arabyske Skiereilân en Yndia. De see his om-ende-by 2.400 km breed, mei in maksimumdjipte fan likernôch 4.650 m. Yn it noarden foarmet de Golf fan Omaan de ferbining mei de Perzyske Golf, en yn it noardwesten is de Golf fan Aden de ferbining mei de Reade See. De Golf fan Omaan en de Golf fan Aden wurde ornaris net ta de Arabyske See rekkene.
Lannen dy't oan de kust fan de Arabyske See lizze binne Yndia, Pakistan, Iraan, Omaan, Jemen, Somaalje, de Seysjellen en de Malediven. Grutte stêden oan de kust binne û.o. Bombay yn Yndia en Karachi yn Pakistan.
