Koptisk spriak

At koptisk spriak (faan araabisk ‏قبطي‎ qibtī, qubtī, DMG qibṭī, qubṭī, koptisk kypt(a)ios of gyptios, faan ualgreks Αἰγύπτιος „Egypter“, efter mykeensk a-ku-pi-ti-jo) as det jongst furem faan't egyptisk spriak. Hat hiart tu a afroasiaatisk spriaken. Faan't 3. bit 17. juarhunert as hat uun Egypten snaaket wurden. Daalang as det spriak ütjstürwen, uun Egypten snaake a lidj daalang araabisk. Man hat woort noch brükt üs hööwspriak faan a Kopten, det as en krastelk religioon. An do jaft at wel son 300 lidj, diar det spriak nei belewet haa. Saner det koptisk spriak hed am nimer ütjfünjen, wat a hieroglyphen bedüüde.