Bambi er ein amerikanskur teknifilmur frá 1942. Filmurin varð frumsýndur í Amerika hin 13. august 1942 og er hin fimti i røðini av teimum klassisku teknifilmunum frá Disney. Hann er grundaður á skaldsøguna hjá Felix Salten Bambi, ein Leben im Walde (Bambi, eitt lív í skóginum) frá 1923.
Filmurin varð tilnevndur fleiri Oscar-virðislønir fyri besta ljóð, besta sang (fyri "Love Is a Song" sungin av Donald Novis) og besta filmstónleik. Bambi varð útgivin av nýggjum til sýning í biografunum í 1947, 1957, 1966, 1975, 1982, og 1988. Hann varð útgivin á VHS-bandi í 1989 og 1997, og í einari talgildari betraðari útgávu á DVD hin 1. mars 2005. Ein beinleiðis-til-video framhaldsfilmur, Bambi II, kom út í 2006.