Érfurt, es una ciuá alemana, capital del estau de Turingia.
Estoria
Nel añu 742 se menciona por primera vezi a Érfurt. Neste añu, Bonifaciu fundó la diócesis de Érfurt.
La ciá estaba asitiá ena Vía Regia, una redi de caminus comercialis medieval que s'extendía por toda Uropa. Se convirtió nun emportanti centru comercial ena Edá Media. Érfurt era membru dela Liga Hanseática, una aliança de asociacionis comercialis i ciais de mercau. Tamién jue famosa pola produción de Isátide (Isatis tinctoria). El coloranti índigu se hazi de la planta Isátide. miniatura|izquierda|Érfurt ena segunda metá del sigru XVI
Érfurt está nel caminu de Santiagu (en alemán: Jakobsweg). Ena Edá Media s'establecierun al reol de sieti monasterios ena ciá. El famosu filósofu i teólogu maestru Eckhart vivió nel monasteriu dominicanu dendi el año 1275 ata el 1311. Martín Luteru, iniciaol dela Reforma protestanti, vivió nel Monasteriu de San Agustín dendi 1505 ata 1511.
En 1806 tras la derrota de Prusia a la que pertenecía la ciá dendi 1802 i el Tratau de Tilsit. Érfurt passó a sel parti dun Prencipau dependienti diretamenti del emperaol Napoleón I. Nesta ciá tuvu lugal el llamau Congresu de Érfurt, que reunió en 1808 a Napoleón con el zar Alejandro I de Russia. El escritol Johann Wolfgang von Goethe asistió tamién al congressu. Tras el Congressu de Viena en 1815 la ciá passa a jormal parti dela provincia de Sajonia nel Reinu de Prussia. Que'abía conquistu la ciá el 6 de heneru de 1814 i las fortaleças que la defendían el 16 de mayu.
Endispués dela Primera Guerra Mundial i la proclamación dela Primera República Alemana la ciá se convirtió en capital del nuevu estau de Turingia creau tras la agrupación delos antiguos ducados ernestinus.
Durante el período dela República Democrática Alemana (RDA), se quiso demolel parti del cascu medieval dela ciudad pa construil en su lugal una autopista. Inque, tras la caía del Muru de Berlín en 1989, s'anularun esos planis. La ciá volvió a ser capital del Estau Libri de Turingia tras la Reunificación alemana de 1990.
Economía
Érfurt es un centru de transporti pa los trenis de alta velociá i otras redis de transporti alemanas i europeas. Estu hazi dela logística una de las sus prencipalis industrias. Otras industrias emportantis son agricultura, orticultura i microelectrónica.
El Tribunal Federal Alemán del Trabajo (alemán: Bundesarbeitsgericht) se encuentra asitiau en Érfurt.
Educación
La Universidá de Érfurt s'estableció por primera vezi en 1379. Cerró en 1816, inque se reabrió en 1994. Martín Luteru estudió allí dendi 1501 ata 1505. También se cree que Johannes Gutenberg, quien desarrolló la imprenta, se inscribió allí en 1418. Erfurt también tiene una Fachhochschule, una Universidá de Ciencias Aplicás.
Atraccionis turísticas
Abondus visitantis vienin a vel el centru estórico dela ciá medieval. Una delas prencipalis atracionis turísticas es el Krämerbrücke (la puenti delos comerciantis). La puenti jue construia en la su jorma d'ogañu nel 1472. Tieni edificius con tiendas i casas nél. La genti entavia vive nella.
La ciá es bien coñecia polos sus festivalis durante tó l'añu. Dos millones de pressonas visitan los sus mercaus de Navidá cá añu.
Otros sitios emportantis ena ciá son:
- Monasteriu de San Agustín, ondi vivió Martín Luteru de 1505 a 1511. A siu nominau comu Patrimoniu dela umanidá.
- Antigua Sinagoga, que data delos sigrus XI i sigru XII. Es una delas sinagogas más antiguas d'Uropa i a siu nominá comu Patrimonio dela umanidá.
- Catedral de Érfurt i la Egressia de San Severu (Severikirche), que dan a Domplatz, la Plaza dela Catedral.
- Ciudadela de Petersberg, una jortaleça del sigru XVI nuna colina con vistas al centru dela ciá. Es una delas jortaleças más grandis i mejol conservás d'Uropa.
- Topf und Söhne, el sitiu dela empresa que hizu los crematorius palos campus de concentración duranti el olocaustu. Ogañu es un museu que documenta las ativiais dela compañía i la estoria del olocaustu.
- Margaretha Reichardt Haus, el taller i el ogar de Margaretha Reichardt (1907-1984), un tejedor i artista textil que jue entrenau ena Bauhaus.
Galería
Trasporti
Ay líneas de ferrocarril a Halle i Leipzig nel nordesti vía Weimar i Naumburgo, a Gera nel este vía Weimar i Jena, a Saalfeld nel suresti vía Arnstadt, a Ilmenau nel sul vía Arnstadt, a Wurzburgo nel suroesti vía Arnstadt, Suhl i Schweinfurt, a Kassel i Fulda nel oesti vía Gotha i Eisenach, a Gotinga nel noroesti vía Gotha i Mühlhausen, a Bad Langensalza nel noroesti, a Nordhausen nel norti vía Sondershausen i a Magdeburgo nel norti vía Sangerhausen.
- ICE Fráncfort del Meno - Fulda - Érfurt - Leipzig - Dresde (una vezi cada ora)
- IC Fráncfort del Meno - Fulda - Érfurt - Halle - Berlín - Stralsund (cá dos oras)
- varius trenis de trasporti regional
En Érfurt ay tranvías dendi 1883.
La autopista 4 coneta Érfurt con Fráncfort i Dresde i la autopista 71 con Wurzburgo i Sangerhausen.
Ciais hermanás
- Győr (Hungría, dendi 1971)
- Vilna (Lituania, dendi 1972)
- Kalisz (Polonia, desde 1982)
- Maguncia (Alemaña, dendi 1988)
- Lille (Francia, dendi 1991)
- San Miguel de Tucumán (Argentina, dendi 1993)
- Shawnee (Estaus Unius, dendi 1993)
- Lovech (Bulgaria, dendi 1996)
- Haifa (Israel, dendi 2000)
- Yan'an (China, desde 2000)
- Ario de Rosales (México, dendi 2007)
Atijus p'ahuera
- En Commons ai conteníu multimedia sobre Erfurt.
- Sitio web oficial de Erfurt
