Space Launch System edo SLS, euskaraz: «Espazio Jaurtiketa Sistema», 2011tik NASAk garatutako erabilera bakarreko jaurtiketa ibilgailu superastun bat da.
2022ko azaroaren 16an, 06:47etan UTC, Kennedy zentro espazialatik Artemis 1 deritzon lehen jaurtiketa burutu zen. SLS sistema NASAren Orion ontzia abiarazi dezakeen suziri bakarra da. Karga erabilgarrirako, bolumenerako eta irteera energiarako gaitasun handiagoa dauka beste suziriek baino; hori dela eta, misioen konplexutasuna murrizten du. 98 metro baino gehiagoko altuera du, eta eurite handiak eta orduko 136 kilometroko haizeak jasateko gai da.
