Kirov (errusieraz: Киров), lehen Viatka (errusieraz: Вя́тка) eta Khlynov (errusieraz: Хлы́нов) deitua, mendebaldeko Errusiako hiria da, Kirov oblasteko hiriburua. Europari dagokion Errusiaren erdigunean dago, Viatka ibaiaren ertzean. 2010ean 473.695 biztanle zituen.
Historia
Khlynov gotorlekua 1181. urtean eraiki zuten, Ural mendien mendebaldera, Novgorodko merkatariek; hiri gisa 1374ko agirietan azaltzen da. 1489. urtean Moskuko Printzerrian sartu zuten, eta Errusian oso ezaguna egin zen ekoizten zituzten buztinezko irudiengatik.
Gorde den monumentu zaharrena 1689. urteko Jasokunde Katedral ikusgarria da. 1781. urtean Katalina Handiak Viatka izena eman zion hiriari, eta Viatkako Gobernazioko hiriburu izendatu zuen. Hirian erbesteratuta egon ziren, besteak beste, Alexander Herzen, Alexander Vitberg, eta Mikhail Saltikov-Shchedrin.
XIX. mendearen amaieran trenbide Transiberiarraren estazio garrantzitsua izan zen. 1934. urtean hiriari Kirov izena ipini zioten, Sergei Kirov sobietar agintariaren omenez.
Biztanleria
| 1811 | 1897 | 1923 | 1939 | 1959 |
|---|---|---|---|---|
| 4 200 | 25 008 | 52 300 | 143 558 | 252 416 |
| 1970 | 1979 | 1989 | 2002 | 2010 |
| 332 503 | 389 533 | 440 240 | 457 578 | 473 695 |
Klima
Kirovek klima kontinental hezea du, Dfb Köppen klima sailkapenean.
 Datu klimatikoak (Kirov) 
| |||||||||||||
|---|---|---|---|---|---|---|---|---|---|---|---|---|---|
| Hila | Urt | Ots | Mar | Api | Mai | Eka | Uzt | Abu | Ira | Urr | Aza | Abe | Urtekoa |
| Erregistraturiko tenperatura maximoa (°C) | 3.8 | 4.4 | 13.9 | 27.3 | 31.5 | 36.9 | 36.6 | 35.9 | 30.1 | 22.6 | 11.0 | 7.0 | 36.9 |
| Batez besteko tenperatura maximoa (°C) | -8.7 | -7.4 | 0.0 | 8.8 | 16.9 | 22.0 | 24.2 | 20.6 | 14.0 | 5.9 | -2.6 | -7.1 | 7.2 |
| Batez besteko tenperatura (ºC) | -11.9 | -10.9 | -4.0 | 4.0 | 11.2 | 16.5 | 18.9 | 15.6 | 9.7 | 3.0 | -4.9 | -9.9 | 3.1 |
| Batez besteko tenperatura minimoa (°C) | -15.0 | -14.0 | -7.6 | -0.1 | 6.3 | 11.8 | 14.1 | 11.6 | 6.4 | 0.6 | -7.2 | -12.8 | -0.5 |
| Erregistraturiko tenperatura minimoa (°C) | -41.9 | -40.5 | -33.8 | -21.2 | -10.5 | -2.4 | 2.7 | 0.0 | -8.3 | -23.2 | -39.8 | -45.2 | -45.2 |
| Pilatutako prezipitazioa (mm) | 49 | 33 | 37 | 34 | 54 | 78 | 77 | 77 | 61 | 64 | 57 | 55 | 676 |
| Iturria: Pogoda.ru.net | |||||||||||||
