Hebridak (ingelesez: Hebrides; Eskoziako gaeleraz: Innse Gall, «atzerritarren uharteak») Eskoziako mendebaldeko uhartedi zabal eta askotarikoa da, Ozeano Atlantikoan dagoena. Bi multzo nagusi bereizten dira: Kanpoko eta Barruko Hebridak.
Eskoziako gaeleraren hiztun kopuru handiena uharte hauetan bizi da, batez ere Kanpokoetan. Hori dela eta, ironikoa da hain justu ere uharteen gaelerazko izenak (Innse Gall) «atzerritarren / ez-gaelikoen uharteak» esan nahi izatea. Arrazoia Goi Erdi Aroan jasan zuen norvegiar bikingoen kolonizazioa da. XIII. mende arte ez zen gaelikoa nagusitzen hasiko Hebridetako uharte guztietan;[erreferentzia behar] hain zuzen, une horretan kokatzen da Uharteetako Jaurerriaren ezarpena.
Kanpoko Hebridak
Sakontzeko, irakurri: «Kanpoko Hebridak»
- Lewis eta Harris: 2225,30 km².
- North Uist / Uibhist a Tuath: 351,49 km².
- South Uist / Uibhist a' Deas: 332,45 km².
Barruko Hebridak
Sakontzeko, irakurri: «Barruko Hebridak»
- Skye uhartea: 1666,08 km².
- Mull / Muile: 899,25 km².
- Islay / Ìle: 614,52 km².
- Jura / Diùra: 370,35 km².
