Geografio
Tanĝavur situas en averaĝa alteco de 57 metrojn inter 2 kanaloj. Tiruĉirapali troviĝas 4, Salem (Barato) 144, Maduraj 147, Erode 165, Koimbatore 238, subŝtata ĉefurbo Ĉenajo 280, Bengaluro 297, Majsuro 319, Mumbajo 1135, Kolkato 1637, tutlanda ĉefurbo Delhio 1995 kilometrojn (aere) [1].
Demografio
Historio
Tanĝavur estis sidejo de la Ĉola dinastio inter la 9-a kaj 11-a jarcentoj. Ties templo estas konsiderita, kiel unu el la plej bonaj specimenoj de la tamila arkitekturo. Baldaŭ la urbo apartenis al pluraj reĝlandoj aŭ sultanlandoj. La lasta barata regno estis absorbita en britan Hindion en 1855.
Ekonomio
La plej grava okupo de la loĝantoj estas la turismo, dum la tradicia okupo estas la agrikulturo. Tanĝavur estas konata kiel la "riza bovlo de Tamilnado". Krom la rizoj oni kultivas bananojn, kokosojn, sukerkanojn kaj maizojn. Menciindas la silka teksado kaj bankado.
Religio kaj lingvoj
La ĉefa religio en Tanĝavur estas hinduismo (82.87%), poste kristanoj (8.58%) kaj islamo (8.34%). La Templo Brihadisvara estas Monda heredaĵo. La tamila estas la vaste parolata lingvo, krome la telugua.
Eduko
Tanĝavur estas hejmo de 4 universitatoj, krome ekzistas instituto, kolegio kaj altlernejo. Kristanaj misiistoj ludis elstaran rolon en la angla edukado.
Trafiko
Tanĝavur estas bone ligita voje kaj fervoje al la subŝtataj areoj. La plej proksima havenurbo estas Nagapattinam 84 km oriente. La plej proksima internacia flughaveno estas en Tiruĉirapali.
Klimato
Tanĝavur havas savanoklimaton laŭ klimata klasifiko de Köppen kun musonoj. Jare pluvas averaĝe 1000 mm. En ĉiuj monatoj pluvas, tamen en la dua jarparto pli ofte. La averaĝa temperaturo varias inter 24-35 °C.
Vidindaĵoj
- Templo Brihadisvara estas Monda heredaĵo ekde 1987
- palaco de regantoj kun la ĉirkaŭa fortikaĵo
- biblioteko establita ĉirkaŭ 1700 havanta pli ol 30 mil hindajn kaj eŭropajn manuskriptojn skribitajn sur palmfolio kaj papero
- kvin muzeoj
- artgalerio pri ŝtonaj kaj bronzaj bildoj de la naŭa ĝis 12-a jarcentoj
- bestoĝardeno
- horloĝa turo
- katolika kirko (1779)
- festivaloj
Fontoj
- WikiTrans
