Tacoma (elparolu "takoma", pli precize "təkoŭmə"; eventuale esperantigebla Takomo) estas urbo en Vaŝingtonio, situanta ĉirkaŭ 50 km sude de Seatlo, kun kiu ĝi apartenas al la Seatla-Takoma urba aglomeraĵo. Kun loĝantaro kalkulita en la Censo de 2000 kiel 195 629 homoj, Takomo estas la tria urbo de Vaŝingtonio laŭ tiu kriterio. Ĝi estas la administra centro de la kantono Pierce.
Tacoma estas grava havenurbo, rivalante Seatlon. En la urbo situas filia tereno de Universitato de Vaŝingtonio kaj pluraj aliaj altlernejoj, inter kiuj notindas la privataj Pacifika Luterana Universitato kaj Universitato de Puĝetio.
Tacoma ricevis sian nomon laŭ la proksima (93 km) dormema vulkano Monto Rainier, kies pli frua nomo estis Takoma ( təqʷúʔbəʔ) en indiĝenaj lingvoj de la regiono. La urbo jure organiziĝis en 1875, post la elekto de la loko en 1873 kiel la onta finpunkto de la transkontinenta fervojo Northern Pacific.
Esperanta publikigaĵo
Takoma (la urbo kun neĝkovrita monto ĉe ĝia pordo). Eld. Commercial Club, Tacoma, 1913(?)
„
|
| — Esperanto n151 aŭg 1913 |
