Simme estas rivero en la Alpoj en Berna Oberlando en Kantono Berno.
Fonto
Ĝi fontas ĉe la norda deklivo de Ammertenhorn, montopinto de la Wildsturbel-Masivo, ĉe Siebenbrünnen (Sep Putoj, koordinatoj: 46° 24′ 44″ N 7° 28′ 47″ O / 46.41222 °N, 7.47972 °O ), en formo de sep fontoj, kiuj imprese elfluas el rokfendo.
Simme-Akvofaloj
Tuj post la fonto al ĝi alfluas la rivereto Trüebbach, kiu senakvigas la Plaine-Morte-Glaĉeron. Per impresaj akvofaloj la rivero tiam la rivero atingas la valgrundon de la Supra Simme-Valo en Lenk je alteco de proksimume 1100 m s.m.
Supra Simme-Valo
La rivero nun fluas norden tra la Supra Simme-Valo tra Sankt-Stefano al Zweisimmen, kie al ĝi de okcidento alfluas la flanka rivero Eta Simme, kiu posedas longecon de proksimume 12 km. Sekvas Boltigen, kie la rivero nun turniĝas nordorienten.
Suba Simme-Valo
La rivero nun trafluas Oberwil en Simme-Valo, Därstetten kaj Erlenbach en Simme-Valo. Tiam ĝi formas la limon inter Diemtigen kaj Erlenbach, kaj en Diemtigen al ĝi alfluas Chirel, kiu senakvigas la valon de Diemtigen.
Alfluejo
En Wimmis je alteco de 597 m s.m. Simme fine alfluas al la rivero Kander, kiu siavice alfluas al la Lago de Thun.
Eksteraj ligiloj
- informoj pri la rivero en la retejo schweizerfluss.ch (germane)
