Gardelegen estas hansourbo en Germanio. Ĝi troviĝas en la distrikto Altmark Salzwedel de la federacia lando Saksio-Anhalto. La urba komunumo situas inter Berlin kaj Hannover, ĉirkaŭ 50 km norde de Magdeburg. Fine de decembro 2024 la komunumo havis 21 822 loĝantojn sur areo de 632,5 kvadrataj kilometroj. Tio rezultigas loĝdenson de 34 loĝantoj/km².
Historio
Unuafoje la loko estas skribe menciita kiel burgo en la jaro 1196. En 1314 la loko ricevis la rajton pri maltado kaj de tiam ĝi konatas pro la bierfarado. Ankoraŭ nun ekzistas bierfarejo, kiu produktas sub la fabrika nomo Garley. Dum la mezepoko, ekde la jaro 1358, la urbo apartenis al la komerca ligo Hanso.
La 13-an de aprilo 1945 la nazioj murdis 1016 arestitojn de koncentrejo en fojnejo de la lokoparto Isenschnibbe. Tio estis konata kiel Gardelegena masakro. Nun la loko estas memorejo.
Urbopartoj
Nuntempe jenaj urbopartoj apartenas al Gardelegen:
- Ipse
- Isenschnibbe
- Lindenthal
- Weteritz
- Zienau
- Ziepel
Vidindaĵoj
- remparo kun urbomuro
- Maria-preĝejo
- Nicolai-preĝejo
- urbodomo
- rolando
- monumento pri la komikisto Otto Reutter
- pordegoj Salzwedeler Tor kaj Stendaler Tor
- memorejo Isenschnibber Feldscheune (fojnejo de Isenschnibbe) pri la Gardelegena masakro
Bildaro
-
Nicolai-preĝejo -
La urbodomo -
La pordego Salzwedeler Tor -
Parto de la urbomuro
Partneraj urboj
- Gifhorn en Malsupra Saksio (Germanio)
- Waltrop en Nordrejn-Vestfalio (Germanio)
- Darłowo (Rügenwalde) en Pollando
