Actor a chanwr o'r o'r Unol Daleithiau oedd George Richard Chamberlain (31 Mawrth 1934 – 29 Mawrth 2025). Daeth yn boblogaidd yn rôl deitl y sioe deledu Dr. Kildare (1961–1966). Wedyn, enillodd y teitl “Brenin y gyfres fach” am ei waith mewn sawl cyfres deledu, fel Centennial (1978), Shōgun (1980), a The Thorn Birds (1983). Ef oedd y cyntaf i chwarae rhan Jason Bourne yn y ffilm deledu The Bourne Identity ym 1988. Perfformiodd Chamberlain rannau clasurol ar lwyfan hefyd, a gweithiodd ym myd theatr gerdd.
Bywyd cynnar
Cafodd Chamberlain ei eni yn Beverly Hills, Califfornia, yn ail fab i Elsa Winnifred (née von Benzon; Matthews yn ddiweddarach) a Charles Axion "Chuck" Chamberlain; roedd Chuck yn werthwr offer siop o Indiana. Roedd ei fam o dras Almaenig rhannol.
Roedd gan Chamberlain frawd William, a oedd yn gweithio ochr yn ochr â'u tad yn y busnes teuluol. Ym 1952, graddiodd Chamberlain o Ysgol Uwchradd Beverly Hills, ac yn ddiweddarach mynychodd Goleg Pomona, lle derbyniodd radd baglor mewn hanes celf a phaentio. Cafodd Chamberlain ei ddrafftio i Fyddin yr Unol Daleithiau a gwasanaethodd o 1956 i 1958. Cyrhaeddodd reng rhingyll.
Ffilmiau
- The Music Lovers (1970),
- Lady Caroline Lamb (fel Arglwydd Byron; 1973),
- The Three Musketeers (1973)
- The Four Musketeers (1974)
- The Towering Inferno (1974)
- The Count of Monte Cristo (1975).
- The Slipper and the Rose (1976)
- The Last Wave (1977)
- King Solomon's Mines (1985)
- The Return of the Musketeers (1989);
- Lost City of Gold (1986)
