Y bedwaredd o chwech gwraig Harri VIII, brenin Lloegr, oedd Ann o Cleves (22 Medi 1515 – 16 Gorffennaf 1557). Dim ond am chwe mis y parodd y briodas (Ionawr – Gorffennaf, 1540) cyn i Harri ei hysgaru.
Fe'i ganed yn Düsseldorf, yn ferch i Johann III, Dug Cleves, a'i wraig Maria. Priododd Harri ar 6 Ionawr 1540, ym Mhalas Placentia, Greenwich.
Comisiynodd Harri yr arlunydd Hans Holbein yr Ieuaf i beintio llun ohoni (a'i chwaer Amelia) gan fynnu y dylai Hans beintio llun gonest ohoni. Peintiodd ddau lun ac mae'r naill i'w weld yn y Louvre ym Mharis a'r llall yn Amgueddfa Victoria ac Albert, Llundain. Arwyddwyd y cytundeb priodasol yn Hydref 1539, wedi i Harri glywed fod Ann yn ferch dawel a oedd yn hoff iawn o chwarae cardiau a gwnïo. Cyfarfu'r ddau ar Ddydd Calan 1540, ac ym marn Harri, doedd hi ddim hanner mor ddel, ni allai ddarllen Saesneg ac nid oedd wedi derbyn addysg ffurfiol: She is nothing so fair as she hath been reported, dywedodd. Ymbiliodd Harri i Thomas Cromwell ddarganfod ffordd o beidio'i phriodi, heb droi'r Almaen yn eu herbyn.
Gan na chysgodd y ddau gyda'i gilydd ni choronwyd hi'n llwyr a galwyd hi'n 'Chwaer Annwyl y Brenin' (the King's Beloved Sister). Rhoddwyd setliad ariannol hael iddi a chadwodd ei phen.
Cyfeiriadau
Eginyn erthygl sydd uchod am un o'r Almaen. Gallwch helpu Wicipedia drwy ychwanegu ato.
