Макао (тулли ят Макао ятарлă административлă районӗ) — Китайăн автономилле пайĕ. Малтан Португали колонийĕ пулнă. Официаллă чĕлхесем — португалипе китай чĕлхи.
Истори
Португалсем Кăнтăр Китай тинĕсне XVI ĕмĕрте лекнĕ. 1553 çулта вĕсем Макао çурутравĕнче тăма тата ку вырăнта суту-илӳ тума ирĕк илнĕ. 1557 çулта португалсем кунта пĕрремеш пурăнмалли вырăна никĕсленĕ, тĕрлĕ хӳтлĕхсем тума тытăннă. Вĕсем халĕ те сыхланса юлнă.
1849—1852 çулта иртнĕ Опиум вăрçи вăхăтĕнче португалсем пĕтĕм Макао çурутравне тата Тайпа утравне тытса илнĕ. 1864 çулта вĕсен аллине Колоан утравĕ лекнĕ. 1887 çулта Китайпа Португали пĕр-пĕринпе алă пусса Макао Португали аллине ĕмерлĕхех юлнине çирĕплетнĕ. 1928 çулта Китай ку килĕшĕве хăй енчен пăрахăçланă, Португали вара ку колонине тавăрасшан пулман.
1974 çулта Португалире демократиллĕ революци пулса иртет. Революци хыççăн Макао администраци, экономика тата укçа-тенкĕ енчен самай ирĕк илет. 1979 çулта Китайпа Португали пĕр-пĕринпе калаçма хатĕрри çинчен пелтереççĕ, çыхăнусем тытма пуçлаççĕ. Китай ку çĕре каялла тавăрасси пирки калаçу пуçланă. 1987 çулта вара Китайпа Португали ку ыйту тăрăх калаçса татăлнă — 1999 çулхи раштавăн 20-мĕшĕнче ку çĕр Китай аллине куçнă.
Каçăсем
- Фотографии города
- Travel.Ru Страны — Макао 2012 ҫулхи Чӳк уйӑхӗн 9-мӗшӗнче архивланӑ.
- Крупнейший русскоязычный ресурс о Гонконге и Макао
- Международный институт Макао
Шаблон:Китай культурин эткерлĕхĕ Шаблон:Хула-патшалăхсем Шаблон:КХР администрациллĕ пайланăвĕ
