Mekke (arapça مكة), resmiy olaraq Mekketü-l-Mükerreme (arapça مكة المكرمة) — Saudiy Arabistannıñ ğarbındaki Hicaz regionında bir şeer, İslâmğa köre eñ muqaddes şeerdir. O, Qızıl deñiz yalısındaki Cidde şeerinden 70 km uzaqlığında, deñiz seviyesinden 277 m yüksekligindeki tar bir vadiyde buluna. 2022 senesi malümatına köre ealisi 2385509 adam edi. Saudiy Arabistannıñ Er-Riyad ve Ciddeden soñ üçünci eñ büyük şeer. Ealiniñ 44,5% yaqını Saudiy vatandaşları, 55,5% yaqını ise başqa musulman memleketlerinden kelgen ecnebiylerdir. Er yıl İcriy taqvimniñ zilhicce ayında keçirilgen acılıq vaqtında hacılarnıñ sayısı şeerliler sayısından üç qat ziyade ola. 2023 senesi 10,8 milliondan ziyade halqara musafirler kelgen. Mekke dünyada eñ çoq ziyaret etilgen şeerden biri.
