Berrien
Berrien
An ti-kêr
Anv gallek (ofisiel)
Berrien
Bro istorel
Kernev
Melestradurezh
Departamant
Penn-ar-Bed
Arondisamant
Kastellin
Kanton
an Uhelgoad (betek 2015)
Karaez (abaoe 2015)
Kod kumun
29007
Kod post
29690
Maer
Amzer gefridi
Paul Quéméner
2014-2020
Etrekumuniezh
Menez Are Kumuniezh
Bro velestradurel
Kornôg Kreiz-Breizh
Lec'hienn Web
https://www.berrien.fr/
Poblañsouriezh
Poblañs
943 ann. (2023)
Stankter
17 ann./km²
Douaroniezh
Daveennoù
lec'hiañ
48° 24′ 18″ Norzh
3° 45′ 02″ Kornôg / 48.405, -3.750556
Uhelderioù
bihanañ 92 m — brasañ 355 m
Gorread
56,42 km²
kemmañ
Berrien zo ur gumun e Breizh e kanton Karaez e Bro-Gerne.
Anv
- Dauzat & Rostaing: Beryan, sant breton eus Bro Gembre.
- Francis Gourvil: Berrium, diellevr Landevenneg, XIvet kantved. Moarvat un anv den gwregel anvet dre stumm Buryan e Kernev-Veur, e iliz dindan anv st Beriana Virgin, ha skrivet Eglos-berrian e krennamzer
- Bernard Tanguy: Plebs Berriun, XIvet kantved; Berian, 1262; Beryan, 1296; Beryenn, 1306-1308; Berrien, war dro 1330.
Gerdarzh
Tu zo da welout e Berrien un anv den, kavet e St. Buryan, e Kernev-Veur, skrivet S. Berione e 1086, S. Beriane, XIIIvet kantved, martezeadenn diazezet war ar stumm skrivet Berriun, XIvet kantved. Sonj e reer eus santez Berriona, eus Iwerzhon.
- Erwan Vallerie (1995): Berrium, XIvet; Berian, 1351; Beryenn, 1306; Beryan, 1368; Berien, 1516; Berien, 1536
- Embannadurioù Flohic: "Santez Berrione e vefe gwrizienn anv ar barrez"....
- Hervé Abalain: Berrium, XIvet kantved, Beryenn, 1306;... cf. St Buryan e Kernev-Veur, eus Beriana, santez eus Iwerzhon.
- Daniel Delattre: Plebs Berrium, XIvet, Beryan e 1468.
Ardamezioù
En argant e deir eilenn en gul, e grenngonk en aour karget gant ul leon e sabel.
Istor
Berrien zo parrez-vamm da Voneur, An Uhelgoad ha Lokmaria-Berrien.
Ouzhpenn da se e oa enni ivez parrez Ar Fouilhez betek an XIIvet kantved.
Ar barrez divent-se a oa bet distaget diouzh ar barrez gentañ, Plouenez ("parrez ar Menez"); he anv zo chomet e hini ur gêriadenn e Brenniliz.
XXvet kantved
- Mervel a reas 119 gwaz abalamour d'ar brezel, da lâret eo 4,93% ag ar boblañs hervez an niveradeg bet graet e 1911.
Eil brezel-bed
- Mervel a reas 32 waz ag ar gumun abalamour d'ar brezel.
Brezelioù didrevadennañ
- Mervel a reas pemp milour eus ar gumun.
- Mervel a reas daou vilour eus ar gumun.
Monumantoù ha traoù heverk
Chapel Santez Barba
(bet distrujet gant ar gurun e 1955)
Ekonomiezh
Ur vengleuz pri gwenn (kaolin e galleg, china clay e saozneg) a oa bet lakaet da dalvezout e 1967; prenet e 1981 gant English China Clays e voe adprenet e 1999 gant ar gompagnunezh c'hall Imetal/Imerys. Serret e voe ar stal nebeut goude.
Lennegezh
- Savet ez eus bet ur romant, An deiz hirgortozet (Skol Vreizh, Montroulez, 2007), gant Gégé Gwenn, diwar-benn an harz-labour er vengleuz er goañvezh 1980-1981, pa oa keloù da werzhañ ar stal d'an ECC. Kemmañ a reas an oberour an anvioù hag anvioù-lec'h: Berrien a droas da Ruvien hag an ECC da Eastern Company Clay.
Levrlennadur
- Hervé Abalain: Les noms de lieux bretons. Les Universels Gisserot. 2000
- Centre généalogique et historique du Poher. Kaier ar Poher. n° 66. Here 2019
- Albert Dauzat et Charles Rostaing: Dictionnaire étymologique des noms de lieux en France. Larousse, 1963. Guénégaud, 1978
- Michel Froger & Michel Pressensé: Armorial des communes du Finistère. 2001
- Francis Gourvil: Noms de famille bretons d'origine toponymique. Société archéologique du Finistère. Quimper. 1970
- Bernard Tanguy: Dictionnaire des noms de communes, trèves et paroisses du Finistère. Chasse-Marée. ArMen. 1990
- Erwan Vallerie: Diazezoù studi istorel an anvioù-parrez. Corpus. An Here. 1995
