Герман Гірт (ням.: Hermann Hirt; 19 снежня 1865, Магдэбург — 12 верасня 1936, Гісен) — нямецкі індаеўрапеіст.
Біяграфія
З 1896 — прафесар у Лейпцыгскім універсітэце, з 1912 — у Гісенскім.
Займаўся даследаваннямі ў галіне індаеўрапейскага націску і аблаўта, адкрыў закон, названы ў яго гонар. Яго «Індаеўрапейская граматыка» была апублікавана ў 1921—1927 гадах у 7 тамах. Яна была перавыдадзена ў лістападзе 2009 года ў мяккай вокладцы выдавецтвам Cambridge University Press.
Гірт падтрымліваў тэорыю паўночнаеўрапейскай прарадзімы індаеўрапейцаў. Пры гэтым ён падвяргаў крытыцы расава-антрапалагічныя спекуляцыі наконт індаеўрапейцаў, уласцівыя НСДАП.
Літаратура
- Lehmann W. P. Theoretical Bases of Indo-European Linguistics. — Taylor & Francis Ltd., 1996.
