Ёркшыр (англ.: Yorkshire,) — гістарычнае графства на поўначы Англіі, найвялікшае ў Вялікабрытаніі. Плошча — 11 903 км².
Мяжуе з іншымі гістарычнымі графствамі: Дарэмам, Лінкальншырам, Нотынгемшырам, Дэрбішырам, Чэшырам, Ланкашырам і Уэстмарлендам. Падзяляецца на тры гістарычныя раёны, або райдынгі: паўночны, заходні і ўсходні.
Цяпер Ёркшыр не з'яўляецца адміністрацыйнай адзінкай: у 1974 годзе была праведзеная рэарганізацыя, і гістарычнае графства было пераўтворана ў адміністрацыйныя графствы Паўночны Ёркшыр, Паўднёвы Ёркшыр, Заходні Ёркшыр і Усходні райдынг Ёркшыра. Большая частка Ёркшыра ўваходзіць у склад рэгіёна Ёркшыр і Хамбер.
Назва графства складаецца з назвы цэнтральнага горада Ёрк і англійскай адміністрацыйнай адзінкі шыр. Акрамя Ёрка, іншымі гарадамі з'яўляюцца Лідс, Шэфілд, Кінгстан-апан-Хал, Брэдфард і Уэйкфілд.
Эмблема Ёркшыра — белая ружа каралеўскага роду Ёркаў, якая выкарыстоўваецца і на сцягу графства.
Спасылкі
- На Вікісховішчы ёсць медыяфайлы па тэме Ёркшыр
- Афіцыйная старонка Архівавана 12 студзеня 2021. (англ.)
- Гісторыя Ёркшыра Архівавана 21 мая 2014. (англ.)
