An tsokolate (Ingles: chocolate) iyo sarong produkto na pagkakan na gikan sa pigtustado asin pigpinong mga kakaw, na yaon sa porma nin likido, solido, o pulot, sa sadiri kaini o bilang pangpanamit na ahente sa ibang mga pagkakan. An kakaw iyo pigkokonsumo sa nagkapirang porma poon pa sa sibilisasyong Olmec (ika-19 sundo sa ika-11 siglo BCE), asin an mayorya kan mga Mesoamerikano - kaiba an mga Maya asin Aztec - na naggibo nin mga inomong tsokolate.
An pisog kan kakaw igwa nin labing pait na namit asin kaipohan na mag-agi sa permentasyon para makahimo nin namit. Pakatapos kan permentasyon, an pisog pigpapamara, piglinigan, asin pigtutusta. Pighahali an ubak para makamokna nin cocoa nibs, na dagos pigpino pasiring sa masa nin kakaw. Kapag nagin likido na an masa nin kakaw sa paagi nin pagpa-init, inaapod na ining chocolate liquor. An liquor pwede man palipoton asin iproseso pasiring sa duwa kaining komposisyon: cocoa solids asin cocoa butter. An tsokolate iyo saro sa mga pinakapopular na klase nin pagkakan asin pangnamit sa kinaban, asin nagkapirang mga pagkakan na igwa nin tsokolate, partikular bilang pangdulsi, kaiba an cake, pudding, mousse, chocolate brownies, asin chocolate chip cookies.
Panluwas na takod
- Chisholm, Hugh, ed. (1911). "Chocolate". Encyclopædia Britannica (in English) (11th ed.). Cambridge University Press.
- Chocolate Tempering Archived 2015-05-18 at the Wayback Machine.
- "Chocolate and Tea" Archived 2015-11-17 at the Wayback Machine., American Enterprise Exhibition, National Museum of American History (exhibit on 18th century American trade)
