An talong (inaapod man, beringinas; Ingles: eggplant, aubergine, Solanum melongena) sarong klaseng tinanom na an prutas kaini nagkokolor lila, pero igwa man nakolor na puti o berde. An bunga pwede man na matilaba, bilogon, dakula, sadit o halipot. An bunga ginugulay, berdura sa luto na may sabaw, o paka'asal inuubakan, pinapalapnad saka pinapatos sa binating sugok saka prinipritos.
An talong sarong pananom na tropikal pero pwede man patuboon sa mga malilipot na lugar. Nalangkaw ini nin 40 abot 150 sentimetro (16-57 pulgada), na may mga dahon na haralakbang alon-alon an palibot na nalabang 10 abot 20 sentimetro (4-8 pulgada) asin 5 abot 10 sentimetro (2-4 pulgada) sa lakbang. An mga takogong parati mahibo-hibo. An burak puti o nalila, may limang alon'alon na corolla asin giyaw na stamens. An bunga kaini malomhok malaman alagad magunot kun sobra na pagkahinog. An mga pisog sa bunga pirino asin saradit sana asin pwede kakanon pero medyo mapait sa namit.
Produksyon
| An sampolong pinakamakusog magprodusir talong — 2010 | ||||
|---|---|---|---|---|
| Nasyon | Produksyon (Tonelada) | Nota | ||
| Tsina | 24,501,936 | F | ||
| Indya | 10,563,000 | |||
| Ehipto | 1,229,790 | F | ||
| Iran | 888,500 | F | ||
| Turkey | 849,998 | |||
| Indonesya | 482,305 | F | ||
| Iraq | 387,435 | F | ||
| Hapon | 330,100 | F | ||
| Italya | 302,551 | |||
| Filipinas | 208,252 | |||
| 41,840,989 | A | |||
| Mayong simbolo = opisyal na bilang, P = opisyal na bilang, F = Hunahuna kan FAO, * = Unofficial/Semi-official/mirror data, C = Calculated figure A = Aggregate (kairiba na diyan an opisyal, sem i-opisyal o gaom-gaom sana); Ginonoan: UN Food & Agriculture Organisation (FAO) | ||||
Kataytayan nin mga ladawan
