An katoy (Ingles: liver) iyo sarong mahalagang organo na mahihilingbsa mga vertebrate asin iba pang mga hayop. Kadakul ining trabaho sa mga hayop siring kan detoksipikasyon, sintesis kan protina, asin pagbilog kan mga biokimikal na gamit sa panunaw.
An katoy iyo may mahalagang trabaho sa metabolismo asin may dakul na piggigibo sa hawak siring kan pag-imbak nin glycogen, pagraot nin mga pulang selula kan dugo, sintesis kan protinang plasma, asin detoksipikasyon. An katoy man an pinakadakulang glandula sa hawak kan tawo. Nasa baba ini kan diaphragm sa rehiyon na thoracic kan tulak. Naggigibo man ini nin bile, sarong kompawnd na alkaline na nagtatabang sa panunaw sa paagi kan emulsipikasyon kan mga lipido. Trabaho man kaini an paggibo asin pagpakarhay kan mga haralangkaw na bolyum kan ganting biokimikal na nagagamit kan mga spesilisadong tissue.
An mga terminong medikal na piggagamit sa katoy iyo parating nagpupuon sa hepato- o hepatic gikan sa Griyegong kataga para sa katoy, hēpar (ήπαρ).
