An Beirut (Arabe: بيروت Bayrūt, Griyego: Βηρυττός, Pranses: Beyrouth) iyo an kabesera asin pinakadakulang syudad kan Lebanon, asin ini may sobrang sarong milyon abot duwang milyon na populasyon. Ini namomogtak sa pagtangaan kan kalabaan kan kosa kaini na nag'aatubang sa Mediterraneo. An Beirut iyo an kwenta mayor na seaport. An enot na pagsambit kan metropolis na ini makukua sa antigong Ehiptong kasuratan, an Mga Surat ni Tell el Amarna na gikan pa sa ika-15ng siglo BC. Poon kaidto sagkod ngonyan, an syudad na ini daing patod na ineerokan.
An Beirut iyo an tinutukawan kan gobyerno nin Lebanon asin mayor na nangangawat sa ekonomiya kaini huli sa saiyang mga sentro: Hamra, Verdun, Ashrafieh, kun saen nakamorogtak an mga darakulang kompanya asin mga bangko. Ini man an sentro nin kultura asin bantog siya sa mga peryodiko, mga teatro, asin mga aktibidad kultural saka kaalingan sa banggi. An syudad naranggo kan taon 2009 kan The New York Times bilang saro sa nangengenot na Sampolong Syudad na Dapat Mabisita kan turista. Ini nakabali man sa Sampolong Syudad na Masibot asin Buhay na Buhay, kan Lonely Planet kan taon 2008.
Mga panluwas na takod
- Official website of Beirut Archived 2011-02-26 at the Wayback Machine.
- Beirut City Guide
- Downtown Beirut Guide
