ورماخت ( آلمانجا: Wehrmacht) آلمانین ایکینجی دونیا ساواشینداکی اصلی نیظامی گوجویدی کی ۱۹۳۵-جی ایلدن ۱۹۴۵-جی ایله قدر فعالیت ائدیردی. بو کلمه آلمان دیلینده “مدافعه گوجو” دئمکدی، آما اصلینده هیتلرین زمانینده تهاجومی بیر ماشین کیمی ایشلنیب. ورماخت اوچ اصلی حیصه‌دن تشکیل اولموشدو: قورو قوشونلاری (Heer)، دنیز قوشونلاری (Kriegsmarine) و هاوا قوشونلاری (Luftwaffe).
بو قوشون، ساواشین ایلک ایللرینده بلیتزکریگ یعنی شیمشک ساواشی تاکتیکی‌ایله دونیانی حیرته سالدی و چوخ تئز بیر زاماندا اروپا‌نین چوخ یئرینی ایشغال ائله‌دی. آما روسیا ایله باشلایان ساواش و سونرالاردا آمریکانین و مۆتفیقلرین گلمه‌سی، ورماختین بلینی قیردی. اونلارین تکنولوژی و سیلاح باخیمیندان چوخ گوجلو اولمالارینا باخمایاراق، تدارکات و لجستیک چتینلیکلری، و هیتلرین دوزگون اولمایان دستورلاری بو قوشونو مغلوبیت‌دن قورتارا بیلمه‌دی. ۱۹۴۵-جی ایلده آلمانین تسلیم اولماسی ایله، ورماخت رسمی اولاراق داغیلدی و اونون یئرینه سونرالاردا یئنی نیظامی قوروملار گلدی. بو قوشون تاریخده بیر طرفدن تکنولوژیک پیشرفت‌لری و تاکتیک‌لری ایله، بیر طرفدن ده ساواش‌دا گؤردوکلری جنایت‌لر و سیاسی ایدئولوژی‌لره قوللوق ائتمه‌لری ایله همیشه بحث‌لری‌نین مرکزی اولوب.
