عرب بیرلیگی — عرب دؤولتلری‌نین بینلخالق تشکیلاتی. حال-حاضیردا تشکیلاتا ۲۲ دؤولت داخیلدیر.
تشکیلات میصر، عراق، اوردون، لوبنان، عربیستان، سوریه و یمن طرفیندن ۲۲ مارس ۱۹۴۵-جی ایلده یارادیلمیش‌دیر. تشکیلاتین مرکز-قرارگاهی قاهیره شهرینده یئرلشیر، ایندیکی باش کاتیبی امیر موسادیر.
تورکیه تشکیلات‌دا دایمی مۆشاهیده‌چی سِمتینه مالیک‌دیر.
تأسیس اوْلونماسی
عرب شوراسینین یارادیلماسی، عثمانلی ایمپراتورلوغونون کئچمیش عرب ویلایتلرینده بیرینجی دۆنیا ساواش‌سیندن سوْنرا یارانان عرب بیرلیگی حرکاتینین ان نظره چارپان(عامیل) نتیجه‌سی اوْلموشدور. عرب میللت‌چیلری بۇ اراضی‌نین بئش آیری سوورن دؤولته پارچالانماسینا قارشی چیخیردیلار. فرانسه و بؤیوک بریتانیانین ماندات سیستمی و فیلیسطینده یهودی دؤولتی‌نین یارادیلماسی، داها چوْخ نارازیغیا سبب اوْلموشدور. حرکاتین اساس آماچ، بۆتون عرب توْرپاقلارینین بیر دؤولت‌ده بیرلشدیرمه‌سی ایدی. ۱۹۴۴-جو ایلده ایسکندریه‌ده، تأسیس کونفران‌سی کئچیریلدی و عرب دؤولتلری لیقاسینین یارادیلماسینی نظرده توتان ایسکندریه پروتوکولو ایمضالاندی. لیقانین نیظامنامه‌سی ۱۹۴۵-جی ایلین مارس آیینین ۲۲-ده میصر، سوریه، اوردون، عیراق و لوبنان طرفیندن ایمظالانمیش‌دیر. ۱۹۴۵-جی ایلین مئی آییندا، نیظامنامه‌نی یمن ایمضالامیش‌دیر.
