2 images
NGC 1672 ye una galaxa espiral barrada vista de frente dende la nuesa perspeutiva, que s'atopa a más de 60 millones d'años lluz de distancia na direición de la constelación austral del Doráu.
La so estructura revela detalles de nubes d'estrelles en formación y bandes de polvu interestelar. Repárense cuatro brazos espirales que surden de los estremos de la barra central. Estos brazos son asimétricos: unu d'ellos, el del estremu nordés, ye significativamente más brillosu que l'opuestu. Estos brazos contienen rexones de formación estelar, dalgunes d'elles pueden llegar a midir 4 arcsec.
NGC 1672 ye una galaxa Seyfert, que carauterícense por tener un nucleu activu que n'ocasiones llega a clisar el rellumu del restu de la galaxa.
